| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 5.228 | Joseph. BJ 5.234 (English) | >>Joseph. BJ 5.240 |
5.232ἡ δὲ τὸ ἔνδυμα τῷ στέρνῳ προσηλοῦσα ταινία πέντε διηνθισμένη ζώναις πεποίκιλτο , χρυσοῦ τε καὶ πορφύρας καὶ κόκκου πρὸς δὲ βύσσου καὶ ὑακίνθου , διʼ ὧν ἔφαμεν καὶ τὰ τοῦ ναοῦ καταπετάσματα συνυφάνθαι .
5.233τούτοις δὲ καὶ ἐπωμίδα κεκραμένην εἶχεν , ἐν ᾗ πλείων χρυσὸς ἦν . σχῆμα μὲν οὖν ἐνδυτοῦ θώρακος εἶχεν , δύο δʼ αὐτὴν ἐνεπόρπων ἀσπιδίσκαι χρυσαῖ , κατεκέκλειντο δʼ ἐν ταύταις κάλλιστοί τε καὶ μέγιστοι σαρδόνυχες , τοὺς ἐπωνύμους τῶν τοῦ ἔθνους φυλῶν ἐπιγεγραμμέναι .
5.234κατὰ δὲ θάτερον ἄλλοι προσήρτηντο λίθοι δώδεκα , κατὰ τρεῖς εἰς τέσσαρα μέρη διῃρημένοι , σάρδιον τόπαζος σμάραγδος , ἄνθραξ ἴασπις σάπφειρος , ἀχάτης ἀμέθυστος λιγύριον , ὄνυξ βήρυλλος χρυσόλιθος , ὧν ἐφʼ ἑκάστου πάλιν εἷς τῶν ἐπωνύμων ἐγέγραπτο .
5.235τὴν δὲ κεφαλὴν βυσσίνη μὲν ἔσκεπεν τιάρα , κατέστεπτο δʼ ὑακίνθῳ , περὶ ἣν χρυσοῦς ἄλλος ἦν στέφανος ἔκτυπα φέρων τὰ ἱερὰ γράμματα · ταῦτα δʼ ἐστὶ φωνήεντα τέσσαρα .
5.236ταύτην μὲν οὖν τὴν ἐσθῆτα οὐκ ἐφόρει χρόνιον , λιτοτέραν δʼ ἀνελάμβανεν ,
-- καὶ τὰ μὲν περὶ τῆς πόλεως καὶ τοῦ ναοῦ τῶν τε περὶ τοῦτον ἐθῶν καὶ νόμων αὖθις ἀκριβέστερον ἐροῦμεν · οὐ γὰρ ὀλίγος περὶ αὐτῶν καταλείπεται λόγος .
| Flavius Josephus, Jewish War (XML Header) [genre: prose] [word count] [lemma count] [Joseph. BJ]. | ||
| <<Joseph. BJ 5.228 | Joseph. BJ 5.234 (English) | >>Joseph. BJ 5.240 |
